活動全名叫做「中國人壽紮根港澳25年真情回饋－NBA觀賞之旅」，係喺買咗佢哋保單嘅客戶之中抽出得獎者，前兩日佢哋仲抽埋第三階段嘅幸運兒，呢次中獎者總共有三位，其中一位可帶多一個親友一齊去。

姚明腳傷 緣慳一面

中國長人姚明依家就打緊火箭，不過好可惜佢依家仲受腳傷困擾，相信有排都未可以復出同球迷見面，所以今次呢個觀賞團都唔會睇到姚明喺球場上嘅英姿，不過姚明係全線中國人壽產品嘅代言人，太子聽講有關方面都希望盡量安排，或者請佢嚟同大家食餐便飯。不過，姚明仲喺養傷階段，係咪可以成事都要下回分解。今次觀賞團會由國壽海外方面帶隊。