大福證券（00665）成功出售股權後，股價翻一番，志強認為內地金融企業已瞄準本地證券行進行購併。

根據過往內地金融機構收購本地同業的例子，通常收購的作價至少達至公司市帳率兩倍，持有全牌照的英皇證券（00717）每股資產淨值為0.59元，現價市帳率一倍唔到，對於內地金融企業來說，可以話係一個平靚正筍盤。

若然以兩倍市帳率作為收購代價，「買起」英證每股至少要付出1.18元，較現價翻一番有凸。

集團曾於去年以每股0.42元批股集資，不過手貨大股東認購咗大部分，其餘亦只係批畀友好，完全無出過街，明顯係好嘢益番自己人。配合四月內地股市推出股指期貨，志強相信大市在第二季必定大放異彩，內地金融機構想擴大版圖，最好喺第一季內完成。

買盤密密收集

上月英證股份曾高見0.59元，之後隨大市回軟，集團股價最低只係回落至0.47元，近日在0.5元之上窄幅橫行，雖然交投未見活躍，但有買盤密密收集，似乎要醞釀突破。志強呢個位買入，風險有限，最多輸一成，換一倍回報，條數點計都玩得過。