黃金集團（01031）股價亦見底回升，尋日一支大陽燭，高收0.435元，已突破由上月中嘅0.53元回落形成嘅下降軌，加上有大成交配合，可確認調整完成，再展升浪，短期上升目標0.53元。有消息話，中期升幅會好大，值得留意。

黃金集團於澳門擁有同經營皇家金堡同君怡兩間酒店同博彩業務，○九年度上半年，業績大增1.5倍至7,536萬元，最近再發出盈利預告，預期全年將因撥回重估持作買賣投資之未變現虧損而轉虧為盈。

去年八月十二日，本欄曾作推介，當時股價0.215元，中線目標0.4元，已超標完成，不過，尋日走勢現突破，應可睇好，加上早前中資買盤強勁，話唔定佢哋捲土重來，到時股價又會再飛升。澳門剛公布今年首月份嘅博彩收入達135.8億元，大增6.5%，再創單月新高，對黃金集團亦非常有利。