任總同友人講，佢係畀人追到瘦，因為自從啲人知道佢無做金管局之後，紛紛邀請佢出席講座、研討會等，最頭痛就係好多人邀請佢做番嘢。

「過完冷河」唔做全職

由依家到年尾，佢都仲有好多人情債要還。好似今個禮拜日就會飛去悉尼，出席下周澳洲央行舉行成立五十周年嘅座談會，席上佢亦會發表演說。仲有國際清算銀行亞洲年會等央行活動，佢都可能會出席。到時任總又會見番好多央行行長朋友，可以有排傾。

雖然任總唔再係央行行長，但就繼續被邀請出席呢類央行行長活動，仲有機會演說，真係好大面子！

數數手指，再過多一、兩個月，任總就過完冷河，到時做乜都得啦，但係佢就講到明，一定唔會做全職，時間分配上佢已經有個大框架，一半時間畀屋企，另外一半時間就會用喺學術同做非執行嘅職務上。