本文重點
前中國人壽首席投資官劉樂飛去年轉工，被委派去中信證券旗下嘅產業投資基金管理公司做董事長兼CEO。近排間公司完成首隻產業投資基金嘅募集，以90億元成為內地最大嘅人民幣基金。話晒曾經喺保險界一哥嘅投資部門做過揸弗人，劉總講起新工作一派輕鬆，話性質遠比國壽時簡單，仲話負責90億元嘅投資，對其他人可能有壓力，但係對佢哋嘅管理團隊來講，真係完全冇負擔。
相比於國壽多元化嘅投資，劉總認為依家淨係負責個產業投資基金簡單好多。
去年用20億投資
個基金去年已經用咗20幾億元投資十個項目，依家無論係保險、消費金融、電子支付等金融領域，定係消費、原材料同機械製造，佢哋都有興趣，現時正在積極物色投資對象。