香港一向係美食之都，聽講紀勤仲好鍾意中國菜，唔知美食當前嘅佢，忍唔忍到口呢？

記得前金管局副總裁韋柏康，同埋前滙豐大班邵銘高，嚟咗香港之後，身形都發福唔少。

首日返工教細路理財

紀勤首日返工連佢張大班椅都未坐暖，就要親自出動，為一班小朋友講解理財知識，真係盞鬼得嚟又認真。佢落咗銅鑼灣李陞大坑學校，同班九至十歲嘅小朋友講課，同行仲有佢位夫人紀芝蘭。紀勤好認同理財教育相當重要，仲話首日返工就可以參加咁有意義嘅活動，真係難得。