去年「汽車下鄉」及「家電下鄉」為汽車及家電業「雪中送炭」，傳聞已久的中央一號文件終於出台，相關股份料不愁寂寞。有關部門吸取經驗，最近正籌備推出「建材下鄉」，估計有關草案將於春節後公布。

放大圖片	放大圖片	放大圖片

參考去年汽車及家電股嘅表現，可以想像一旦「建材下鄉」政策得到落實，建材股股價可睇高一線，建議關注亞洲水泥（00743）、信義玻璃（00868）等股份。

建材下鄉盡享優勢

「建材下鄉」主要係補貼農民蓋自住房，以協助消化建材產能。從這個角度睇，具地區性優勢嘅中小型建材業者，也許會較直接受惠於相關政策。亞泥係長江中游地區大型綜合水泥生產商之一，亦係四川地區主要綜合水泥生產商，受惠於四川省災後重建需求，以及本身嘅新產能投產，去年亞泥嘅經營表現料可勝過行業平均水平。若「建材下鄉」措施出台，更有望延續該區嘅建材需求增長。

保守估計，其去年度純利按年增長達30至40%，即純利介乎5億至6億元水平，以現價3.76元計，預測市盈率十倍，論估值呢啲水平應該唔怕揸。若年內建材股步汽車股及家電股後塵而飛天，此股可望重返5元樓上，止蝕3.1元。