葛霖一直都無回應傳聞，直至昨日，佢接受傳媒訪問嘅時候，被問到佢身兼咁多角色，又係賓架，又係牧師，咁鍾唔鍾意做英國央行行長呢個角色呢？葛霖諗都無諗，就即刻答「我已經有份銀行工要做」，然後再搭多句「thank you very much」。之後加多句，自己好享受依家嘅工作，做到呢份工係非常榮幸。

退休後去向未定

至於葛霖卸任滙控主席之後有乜打算，佢就話未有任何計劃。身為牧師嘅葛霖，做一些決策時難免會受到宗教思想影響，所以佢會要求同事從提供良好服務、高度誠信同長遠客戶嘅因素來做決定。