夏佳理今晚就會飛去西班牙開國際交易所聯會（WFE）會議，相信係佢第一次以WFE副主席身份開會，月中周文耀退休，夏佳理就順理成章接任該會副主席。去完西班牙，佢就會轉飛去俄羅斯推介香港，佢會參加由當地投行主辦嘅研討會，亦會認識吓當地嘅企業。

李小加做足工夫迎內資

至於行政總裁李小加今年新上場，佢嘅新年願望自然係「大展鴻圖」啦！睇得出佢好想快啲做出成績來。佢依家最關心嘅就係如何把握內地嘅資金一旦湧進來，必須發展人民幣產品，從佢喺內地《中國改革》雜誌親自撰文發表有關看法可見一斑。呢本雜誌大有來頭，係胡舒立離開《財經》後新加盟嘅雜誌。