嘉盛控股（00729）大變身，轉型至電池業務，並引入李嘉誠為策略股東，呢兩日在大跌市中，掀起一陣熱浪，前日復牌後股價大升62%，尋日有獲利貨回吐，低收1.23元，跌15.7%。
嘉盛轉型電動汽車電池業務，食正中央致力減碳嘅國策，除有比亞迪（01211）嘅勁升效應外，亦有李嘉誠參與投資嘅信心，前景要另眼相看，尋日股價大調整，正係趁低吸納良機，可吼位買貨，中線目標3元。
嘉盛以27.5億元收購Union Grace全部權益，代價以現金、新股同發行可換股債券支付，另外向市場配售3.66億股，以及向李嘉誠配售4億股，作價同為0.73元，集資約5.5億元，作為興建新廠房同業務發展之用。
集團所收購的Union Grace主要從事電動汽車電池同儲電站嘅鋰電池同釔電池等電池產品生產、推廣分銷同銷售，每年產能1億安培小時，預期新廠房投產後，年產能將達到2.4億安培小時，產量倍升，盈利亦將倍數上升。
嘉盛電池產品已獲授專利權，係所有電動汽車嘅動力，前景真係唔可以睇小。
嘉盛控股（00729） 目標價：3元 止蝕價：1元