總統顧問來港捧場

聽聞今日出席者包括俄鋁大股東兼有「俄羅斯首富」之稱嘅歐柏嘉（Oleg Deripaska），同佢位太座Polina，管理層同董事局成員，例如張震遠、梁愛詩等。其他捧場客亦陣容超強勁，包括俄羅斯政府駐中國大使、俄羅斯金融服務監管機構巨頭、甚至俄羅斯總統梅德韋傑夫嘅兩位顧問等，都會千里迢迢來到香港，表示祝賀。當然仲可能包括對俄鋁喺香港上市一直非常關注嘅大批俄羅斯傳媒。

上市儀式完結後，新上市公司晚上例牌有慶祝活動。一般上市公司都會選喺中環或者金鐘嘅酒店ballroom舉行，多數係食晚飯，如果係內地企業就肯定食中菜，但是俄鋁就非常特別，特登揀咗去中環太子大廈頂樓間型格餐廳Sevva舉行私人派對，仲係輕鬆嘅雞尾酒會。