講開公路股，又令阿莊想起隻新股華昱高速（01823）。華昱嘅唯一項目係隨岳高速公路湖南段，乃一計劃全長約24.08公里嘅雙向六車道高速公路，現正施工，計劃喺明年底前完工。

放大圖片	放大圖片	放大圖片

公路項目佔地利

通車後，公司享有該公路二十七年特許經營權。由於該公路連接湖南及湖北兩省，並連接主要高速公路網，將有效解決目前兩省人流、物流及服務流嚴重受限嘅問題，所處地理位置確有一定優勢。

不過，將一個尚未開始營運嘅公路項目上市，如何吸引投資者，確係一個問題。如今公司順利上市，最近更獲保薦人行使超額配股權，可見此股並唔簡單。

華昱上月下旬掛牌，招股價1.28元，至今股價最低做1.21元，上周二曾高見1.43元，昨日收市報1.31元。觀其走勢，阿莊嘅印象係，維持秩序者有點「孤寒」，但仍能穩守招股價，睇個格局都似係等炒，只係持貨者要有耐性。