上個禮拜日，天朗氣清，當天中午，任總就懷着輕鬆自在嘅心情沿大潭出發，經引水道和土地灣，行到脊上已經係下晝三點幾，但現場仍然非常熱鬧，任總見到好多滑翔傘，與龍共舞，令佢心郁郁，好想試一試。

心郁郁想玩滑翔傘

但任總做咗監管機構咁多年，乜都講求將風險管理好，就算依家退休，都係改唔到呢個習慣，所以衡量過自己年紀和體能之後，正所謂呢個時候係避險而唔係冒險，體能亦不足以審慎將風險管理好，結果只好企喺龍脊上，向空中嘅滑翔傘玩家熱烈地招手，以示鼓勵。

由於沒有龍脊之行嘅相片，任總喺個人blog上面只好同大家分享佢最近一次日本九州之旅嘅照片，見到相中嘅佢，精神抖擻，仲有同老婆一齊影嘅溫馨照片，有興趣就上網睇。