港股唔爭氣，高開低收，期指又係臨尾狂插，低水52點。志強持有嘅人和商業（01387）先升後回，微升1仙，睇多兩日唔走住。至於港華燃氣（01083）裂口高開，志強跟勢以3.68元追入10萬股，料至少升破4元。
科技股呢兩日大受追捧，方正數碼（00618）成交增加，走勢似要突破，升穿0.6元，短炒目標0.8元。較早前方正數碼以迅雷不及掩耳的速度叫停房地產的注資項目，股價亦隨之回落，不過志強好肯定方正數碼已作好變身準備，只差在注資項目係邊一瓣。
值得留意係持有方正數碼兩成股權的其中一個主要股東鄭福雙，同時係中國新奧特集團大股東，主要是在內地經營訊息產業項目，並有超過十年的經驗，方正數碼難免惹來注資憧憬。目前集團晒士只有5億幾元，可塑性甚高，大股東鍾意點玩都得。睇番班大股東包括方正控股（00418），入股成本高達每股1元，唔排除注資變身後，股價至少重上呢個水平，甚至再翻一番。