個股方面，天津港發展（03382）宣布按每股2.5元，配售9.865億股新股，集資應付A股收購代價所需。阿莊依然深信，只要完成呢次大型重組過後，此股可展翅高飛，眼見距離完成收購又邁進一大步，昨日遂入場按平均價2.79元增持20萬股。

放大圖片	放大圖片	放大圖片

重組效益逐步反映

講開組合股份，另一隻可以視為增持目標嘅，係中航科工（02357）。昨日該股逆市向上，收報3.75元，升2.7%。自去年十一月股價急升過後，其股價一直喺2.9至3.4元水平上落，直至上月底才再次發力，昨日逆市創五十二周即市新高3.8元。

過去兩年，公司致力進行重組，經已完成處置江西昌河汽車、哈爾濱哈飛汽車以及東安動力等汽車及相關資產，未來將專注於航空業務。去年十一月，公司收購中航光電，藉此加強航空電子產品研製及開發能力，提高航空產品嘅生產及配套水平，令航空業務體系變得更加完整。

去蕪存菁過後，如無意外，本年度開始，其業績將逐步反映成效，轉虧為盈，股價獲重估係理所當然。

雖然近兩周股價已累積一定升幅，但阿莊始終認為，股價未盡反映重組效益，3元水平可繼續逢低收集，若業績對辦，股價將現爆發力，保守估計年內可挑戰5元關，支持位喺2.8至3元。