本文重點
每逢年頭都係唔少打工仔升職、加薪嘅大日子，太子最近發現中央證券登記嘅鍾絳虹，佢嘅職銜由交易管理董事改為董事總經理，即刻打電話祝賀佢。伊人喺電話中解釋，話今次唔係升職，只係公司進行內部重組，將職銜名稱由董事改為董事總經理啫，負責嘅工作範疇冇改變。雖然職責範圍冇變，但鍾絳虹始終都有開心事，何解？
白表eIPO撥捐植樹
因為去年香港喺新股集資市場方面全球排第一，作為本港最大嘅證券過戶處，太子斷估佢哋公司嘅員工花紅都應該唔錯啦！
鍾絳虹一直推廣透過白表eIPO認購新股，近年採用白表eIPO數字的確有所上升，佢公司會喺每宗申請撥捐2元去地球之友以助植樹，聽聞日內就會將支票正式送交地球之友。太子都希望大家能響應環保，少啲用紙，盡量透過電子進行認購，救救地球！