本文重點
專門做鞋嘅達芙妮（00210）喺內地有自家品牌「鞋櫃」及「達芙妮」，現在加多一個成員，尋日該公司公布，以1.95億元收購鞋類零售商Full Pearl的60%股權，呢間公司旗下有兩個自家品牌，叫「愛意」及「愛魅」，代言人係台灣名模林志玲。
同鄉林志玲任代言人
Full Pearl旗下自家品牌「愛意」及「愛魅」，係高檔次女性服裝及鞋類品牌，產品針對二十至三十五歲嘅時尚女性，喺內地一、二線城市有180多個銷售點。太子翻查呢間公司嘅網站，發現品牌「愛意」個名係由英文名「Aee」翻譯過來。而達芙妮係台商，咁啱「愛意」既代言人係台灣名模林志玲，大家係鄉里。
呢間公司還代理其他品牌，例如加拿大品牌ALDO及美國品牌Jessica Simpson，喺內地有13間自營店。達芙妮主席陳英杰話，好開心成為Full Pearl嘅主要股東，可以進一步發展內地高檔次鞋類市場。達芙妮以1.3億元認購Full Pearl的40%嘅新股，亦用6,500萬元向現有股東認購20%股權，預期今年首季會完成收購。