雖然尋日成交縮晒水，但個別股份仍見大戶積極收集，好似首長國際（00697）昨日在幾間大行買盤支持下，股價高收1.9元，睇走勢短期衝破2元後，可望進一步上試2.3元。

內地幾個大行業，呢兩年加快整合，工信部日前表示，明年將配合有關部門進一步規範鐵石進口秩序，從而提高鋼鐵業的進入門檻，淘汰小型鋼鐵企業以便規管，首國有首鋼咁大個碼頭做後援，相信會係呢場淘汰賽的贏家。

講到本業首國當然有優勢，睇番今年首國單係持有福山能源（00639）股份，經已贏到開巷。首長國際從今年二月開始至今，曾三度增持福山共12.14億股，成本總數43.19億元，而按福山昨日收市價7.74元計算，首國持股市值已接近94億元，單係呢項投資，帳面已經賺咗50億元，無論條數點計，首國現價都係被低估，未完全反映價值。

志強長期睇好首國，2元樓下仍超值，考慮買些少過元旦，作為明年投資一個好開始。