29/12/2009

播放本新聞相關短片
查詢股票編號

中旅保證少林寺有著數

內地傳媒早前話登封市政府瞞住少林寺同中旅合作發展嘅旅遊項目,市場都以為單嘢會有排都成唔到事。不過,事件峰迴路轉,太子尋日同香港中旅(00308)董事總經理許慕韓傾開,佢話保證隨着佢哋開發更多項目,少林寺嘅收入一定會增加。

發展計劃有轉機,早兩日中旅同登封市簽約,搞咗個嵩山少林文化旅遊公司掛牌成立儀式,國家旅遊局同國資委官員都去撐場,大家心照啦!

成立儀式 方丈無到

許同太子講,佢哋保證絕對唔影響到少林寺現有嘅收入同利益,不過,好似話個成立儀式原本有少林方丈釋永信個位同名牌,但方丈最終都無出現。