本文重點
二○○九年係全球金融業動盪之年，滙豐銀行執行董事王冬勝今年恰好出任香港銀行公會主席，要拆解嘅問題甚多。佢昨日主持今年最後一次銀公會議時亦坦言，做咗四屆銀公主席，今屆係最忙，但佢任內並無遺憾。
回顧今年，王冬勝話覺得銀公嘅工作一直在變，亦一直在尋找定位，相信銀公的角色會愈來愈重要。
王冬勝話，今年經濟欠佳，對銀行界係富挑戰嘅一年，年內銀公轄下嘅工作小組開會達140次，完成70份建議書，工作量好大。至於貢獻方面，王冬勝謙稱留待外界去評價，但佢任內已盡心盡力為業界爭取應有利益，並無遺憾。
九八年最難忘
被問到今年最難忘嘅片段，佢話唔係今年任內發生嘅事，而係九八年佢做銀公代主席嗰陣，當時政府決定入市打大鱷，銀公例會上，記者對香港經濟前景好徬徨，見慣世面嘅佢，第一次見到在場記者神色慌張，因此印象難忘。