曾與港交所溝通

今日已經係俄鋁第三次闖關，據江湖傳聞，俄鋁大股東兼曾經係俄羅斯首富 Oleg Deripaska喺今個月七號第二次闖關失敗後，曾經秘密來港同港交所「溝通」，雖然佢大概已經離港，但近日俄鋁又派另一位管理層來港，似乎要做足準備，要闖關成功。

太子八到，港交所上市委員會同證監會都好緊張今次俄鋁上市，問題一大籮自然不在話下，監管機構不敢輕易通過，亦都可以理解。

俄鋁上個禮拜宣布委任梁愛詩同張震遠出任獨立非執行董事。據悉，俄鋁今日如果通過聆訊，明年一月初就會即刻展開推介同埋招股程序。