究竟要生意做得成功，係咪就一定要貪呢？全球知名嘅富商夏利里拉集團主席夏利萊，就同大家分享佢哋家族點樣靠「忠實」同「誠信」去建立龐大嘅生意王國。
贏英軍生意因不貪心
尋日太子睇最新一期《工商月刊》，已經八十七歲嘅夏利萊就道出咗佢做人及做生意嘅宗旨。
從小佢哋就喺老父身上學會「忠實」同「誠信」，佢話幾兄弟早年曾經幫英軍購置雜貨同新鮮物品，由於英軍當時缺乏資金，於是就開放貨倉叫佢哋提取物品作補償，佢哋只提取兩箱威士忌同二十條香煙（其他人起碼取十幾廿箱），因此獲得英軍委任佢哋做主要供應商。
正如夏利萊嘅爸爸所言，「即管賺取你想得到的利潤，但切忌貪心或欺詐，貪婪會損害家族的名聲。」