俗語話:「讀萬卷書不如行萬里路。」招商局國際嘅愛心義工隊上個周末就體會到,佢哋帶咗香港救世軍大窩口兒童之家嘅社工、家舍家長同埋啲小朋友,一齊去咗深圳參觀佢哋嘅歷史博物館同埋碼頭,希望為啲兒童提供境外嘅學習機會。
帶兒童參觀博物館
招商局喺○八年成立佢哋嘅愛心義工隊,希望實踐「取諸社會,用諸社會」嘅理念,仲係香港社會福利署「義工運動」嘅成員之一添。眾所周知,香港嘅中資公司賺錢之餘,一直不遺餘力又捐錢又捐物資去支持內地嘅慈善事業,佢哋亦喺香港做慈善活動。
所以今次義工隊嘅活動真係令人好開心,證明中資公司已經融入咗香港嘅社會,默默為香港慈善事業出力,認真抵讚。