講到出口股，同樣值得留意嘅係思捷（00330）。早前公司管理層對於歐洲消費市道嘅評價仍然負面，股價一直跑輸大市。

放大圖片	放大圖片	放大圖片

歐洲市場復甦在望

不過，上周公司高層喺股東會後再度開腔，指歐洲經營環境最壞情況已出現，不少數據顯示當地經濟有復甦迹象，雖然未能肯定有絕對性嘅好轉，但對當地經營環境仍感到樂觀，相信明年下半年歐洲市場將回復正常云云。

另一個影響思捷股價嘅因素，乃華創（00291）擬出售雙方嘅合營─思捷中國。公司管理層表示，一直與華創進行洽商，進展樂觀。市場預期，睇好內地零售市場嘅思捷，或購下華創於合營中嘅持股。無論結果如何，相信明年首季前會有定論，屆時應有助公司股價撥開雲霧。

同樣係出口概念，今年利豐（00494）及偉易達（00303）嘅股價升幅令人印象深刻。思捷嘅出口概念毋庸置疑，正當別人對之仍感悲觀之時，可以人棄我取。若明年出口市場一如預期出現復甦，此股唔難有五成升幅。