近日大市高位阻力重重，尋日仲要跌市成交增加。其實大價股升到現水平要回氣都好正常，但尋日見部分二三線股都係咁震倉，就認真唔對路，志強於是以快打慢，一開市見手持嘅航天控股（00031）仲有胡食，即時喺1.58元沽咗先，收市睇番都暗叫好彩。
近日志強見身邊唔少朋友都換咗iPhone，就想到現時流動通訊、電腦與網上世界密不可分的關係，並想起上月以2億美元，從母公司聯想集團手上回購手機供應商聯想移動的聯想（00992）。
雖然聯想移動對聯想的短期貢獻可能有限，但從中線角度睇，內地3G市場潛力巨大，未來集團可藉着電腦及移動互聯網業務作雙線發展，在相輔相成之下，相信會有一番新景象。目前內地銷售佔集團總銷售額的49%，受惠於家電下鄉政策取消最高價格限制，亦對聯想股價起到短期刺激作用。
走勢上，聯想股價近兩個多月試衝4.7至4.8元阻力皆未能成功，但本周於50日線支持逐步發力，成交亦配合增加，值得吼位跟進，目標先睇5.2元，止蝕4.3元。