聖誕節好快又到啦！太子嘅傳媒好友話，尋日返工時睇到枱頭有封信，打開一看，原來係一張聖誕卡。自從e-card大行其道後，都好少收到聖誕卡，見到卡面嘅風景一片雪濛濛，都好有聖誕feel。再看聖誕卡嘅簽名，係署名好工整叫Stephen（史提芬）嘅人。傳媒好友思索良久也毫無頭緒，到底係邊個史提芬，再睇落去見到行黑色字，先至知道原來係大笨象嘅牧師主席葛霖。
聽啲傳媒好友講，佢哋跟咗有關大笨象嘅新聞咁多年，都無收過主席或CEO嘅聖誕卡。
至於葛霖今年為何忽發奇想，諗到送聖誕卡畀傳媒朋友，太子就不得而知。但據講，葛霖今次好似係廣發聖誕卡，畀不同地區向來跟佢哋新聞嘅傳媒朋友。
呢張聖誕卡嘅封面係選用咗佢哋嘅同事Timothy Radmacher、喺美國俄勒岡州哥倫比亞河峽谷落完大雪後，所拍攝嘅一張在聖誕夜月光照耀下一間屋子嘅照片。