本文重點
人才幾時都係一家機構最寶貴嘅資產。本地老牌大行恒生（00011）亦深明此道，計劃○九至一○年度將招聘約30多名管理培訓生（Management Trainee），副董事長兼CEO梁高美懿更親自出馬招攬精英新血加入恒生這個大家庭，最近就向100位候選人分享恒生嘅理念及企業文化，以個人經驗嚟鼓勵同學加入銀行。
呢100位候選人來頭唔小，係喺恒生MT計劃破紀錄接獲逾4,000人申請中，經過一輪「過關斬將」過程後，最後被甄選打入100強嘅人選。
分享理念企業文化
梁太向
哋細說自己當年也是MT出身，到今日已成為恒生嘅CEO。佢又話，恒生嘅MT若有好表現，三年內已可晉升為行政人員；表現優秀者，更有機會進身高層，甚至成為CEO。
太子數數手指，梁太由滙豐轉去恒生做CEO呢個位應該只係六個多月，咁快就可以完全抽離工作多年嘅滙豐理念同文化，同一班MT候選人分享恒生之道。