越投係廣州市政府窗口公司，予人嘅形象係一家綜合企業，即係咩都做吓，但冇瓣「專」。不過，近幾年大紅籌紛紛發現此路行唔通，皆因資本回報太低，無法取悅於投資者，故見北控（00392）、上實（00363）紛紛進行業務重組，專注有盈利前景嘅業務，結果股價脫胎換骨。

放大圖片	放大圖片	放大圖片

專注發展地產業務

越投亦不例外，今年十月宣布，為精簡業務，專注於地產業務，故擬易名為「越秀地產」，以表明公司新業務發展方向及單一重點業務。同時，公司宣布以派發特別股息形式，分派越秀交通（01052）股份，完成後，越投跟越秀交通嘅關係將由從屬變為姊妹公司。

事實上，今年首三季，公司積極增加土地儲備，截至十月底，旗下銷售建築面積及收益分別達到48萬平方米及62億元，已超過今年初所訂的目標（45萬平方米及銷售額50億元），可見公司要做大房地產業務，有心有力。

前周五大跌市，越投股價一度回落至2元，上周穩步回揚，上周五收報2.34元。若然本周內房股氣氛持續升溫，相信唔會少得越投一份，股價抖氣過後將再展升勢，目標向2.8至3元推進，跌穿2元嚴守止蝕。