調整完成展升浪

富力地產（02777）股價由六月中嘅19元水平大幅回落，經過多次嘅反覆尋底後，呢兩日終於起步衝刺，尋日最高搶至15.44元，收市報15.2元，上升0.76元。股價已經突破短期下降軌，並重上四條平均線之上，而MACD亦出現雙牛買入訊號，可確認調整完成，大升浪展開，一旦升穿前高位19元，短期目標最少可見23元，有逾50%既上升空間。

內地房地產市場持續暢旺，富力十一月銷售金額約22億元，較去年同期上升33%，年初至十一月底合共銷售金額226.21億元，達全年銷售目標230億元嘅98.4%，預期全年銷售目標將大幅超額完成，加上售價上升，毛利率維持高水平，估計全年盈利將回復高速增長。

而近期大升嘅汽車股、內需股同新能源股，升幅都以倍數計，而內房股則剛起步，大升浪在後頭，買得過。