04/12/2009

播放本新聞相關短片
查詢股票編號

輪后梁麗珊傳加盟荷銀

本文重點
本港「輪場」競爭激烈,代言人執位嘅場面司空見慣,最近又有人事變動,仲要一次過兩宗打孖嚟添。

太子知道過埋今日,新一代「輪后」荷合股票衍生部助理董事梁麗珊(Lisa)就會離開做咗兩年嘅崗位,市傳其將會加盟荷銀。

何啟聰去向未明

不過,Lisa同太子講,依家唔可以公布住,但就叫太子唔使心急,因為好快喺今個月就可用新公司嘅身份同大家見面,到時就一清二楚。

「空穴來風,未必無因。」其實傳聞咁講都唔係無道理,因為荷銀股票衍生工具及私人投資產品董事何啟聰已喺上月辭咗職,照理都需要搵人頂替番佢嘅位置。傳聞他會加盟渣打,但最新又有傳聞話佢過檔中資銀行,亦有人估係轉去花旗。

以上傳聞孰真孰假,真係惟有等他過完冷河期,出年一月先證實到喇。