經濟不景，好多公司都要勒緊褲頭，但服務行業有啲嘢就唔慳得，新加坡航空雖然連CEO都因為業績下滑要大幅減薪20%，但係每年8億美元（約62.4億港元）嘅頭等機艙專用香檳費用就一個仙都唔可以減！
太子尋日發現星航Cut Budget嘅新聞，話原來星航近期錄得七年嚟第一次連續兩個季度蝕錢，搞到連星航首席執行長Chew Choon Seng都要減薪兩成。
雖然減咗薪，但做CEO嘅都要度橋搞番好份業績，Chew 先生就話商務客對佢哋好重要，唔單止佔營業額超過四成，而且利潤率仲高過一般乘客好多，所以一定要保持頭等艙乘客嘅服務質素。