安東尼最為人津津樂道嘅，就係由佢管理嘅特別情況基金，由七九至○七年底錄得19.5%年度化回報，如果當日投資咗1,000英鎊，會增長到14.82萬英鎊！

牛市可以玩幾年

股神今次重出江湖，主要係睇中中國市場。佢話，自己由二○○四年開始已經定期走訪中國企業。以現時情況睇，中國明年大有機會超越日本成為全球第二大經濟體系。佢仲話，好希望下次可以走訪二、三線城市，親自睇吓當地情況。

見到股神當然人人都想攞貼士，安東尼話家吓嘅牛市可以持續幾年，由於泡沫要經歷幾年先可以形成，所以現時亦冇泡沫問題。不過，股神就以隻fund仲未開始為理由，冇講到自己會選咩股啦。

既然來得香港，咁股神有冇打算學吓普通話同廣東話呢？安東尼自嘲冇乜語言天分，應該唔會啦。