唔搞大型慶祝活動

話說恒生指數公司下個禮拜一，會公布公司新動向，順便公告天下，恒生指數已推出四十周年。太子聽聞，佢哋唔會有大型慶祝恒指四十周年活動，只會公布公司未來會有啲乜嘢新指數推出。

太子翻查資料，恒生指數係喺一九六九年十一月二十四日推出，係香港最早嘅股票市場指數之一。初期，恒指作為香港藍籌股指數，主要量度同反映本港市值最大同成交最活躍嘅上市公司表現。33隻恒指成分股數目已成為大家心目中嘅幸運數字。