本文重點
呢排上海搶晒香港嘅風頭，進入倒數嘅世博會吸引咗全球嘅眼光，爭取咗十年嘅迪士尼又終於塵埃落定，成個上海喜氣洋洋咁。咁多喜事臨門，縱橫上海、江浙一帶嘅復星國際（00656）主席郭廣昌，原來都好唔得閒，仲完成咗件不可能嘅任務添！
今年四月，由於某外國企業臨時退出世博會，郭廣昌被臨時拉夫接手籌備最後一個動工嘅民企館。由於距離開幕僅餘一年零半個月，於是佢使出渾身解數，最後衝刺。
搞民企館勞心勞力
佢由上海奔赴杭州搵阿里巴巴（01688）老細馬雲，又攞埋紅酒去搵其他民企老總，最終成功號召十幾家民企參展。依家佢係民企館嘅形象大使，佢嘅助理就做咗館長。
郭廣昌仲未夠四十歲就咁有號召力，喺講究論資排輩嘅內地來講，真係唔易㗎。