專責市場推廣

不過，可能業務繁忙，佢同管理層合照後就好快「鬆人」，反而佢個女馮詠儀就「滿場飛」，原來呢位富豪第二代係利邦嘅執行董事，負責企業推廣及市場推廣，唔怪得佢咁落力招呼嘉賓同「賓架」。

太子聽朋友講，富豪第二代馮詠儀同佢老竇一樣，都係美國哈佛大學畢業，二○○○年佢已經喺利豐集團幫手，擔任投資經理，之後喺利豐（貿易）做服裝產品開發部嘅高級副總裁，又喺Salvatore Ferragamo Asia 做市場推廣。○七年做利邦董事。

咁多年來，佢同時裝發展都好有淵源，相信以佢嘅時裝觸覺，喺專門做高級男裝嘅利邦工作，應該會如魚得水。

利邦掛牌，當然按慣例送份禮物畀港交所。太子以為利邦會送西裝畀港交所，原來佢哋送咗份攤開有成個人咁高，印咗利邦招股封面嘅絲絨布，真係別出心裁。