內地推行「家電下鄉」帶動一眾家電股大幅上升，其中海爾電器（01169）股價由個多月前嘅1.54元升至近日嘅高位3.07元，升幅高達99%；創維數碼（00751）股價亦由上月中嘅2.8元升至4.96元高位，升幅77%。
期間威靈控股（00382）則僅由0.3元升至0.375元，升幅25%，落後一大截，加上有注資消息醞釀，更值得追捧。
走勢上，威靈上周五股價突破由五月中高位0.355元，回落形成嘅大圓底收集區，最高搶升至0.375元，收0.36元，升1.5仙，成交更創下兩年來嘅新高紀錄，達1.59億股，亦較上交易日大增五倍多。
落後股發力追上，只要追回近日同業嘅升幅，威靈股價要見0.54元，有50%上升空間。
威靈主要業務為產銷空調、冰箱、小型冰箱等白色家電，○八年度盈利1.97億元，○九年上半年盈利1.78億元，已達去年全年嘅90%，而毛利率亦由10.2%大升至15.3%，下半年家電銷情暢旺，同系公司美的電器（深000527）近日發出盈喜，預期增長超過50%，相信威靈下半年業績亦有顯著嘅增長，相對大落後嘅股就抵買得多。
威靈控股（00382） 目標價：0.54元 止蝕價：0.32元