本文重點
美國蘋果公司業績理想，為台灣嘅科技製造股展開升浪之外，其中一個得意之作iPod，已經進佔世界主要城市，成為反映美元強弱嘅指標之一。在澳洲就有機構參考iPod在各國的售價，製作咗一個iPod價格指數（iPod Index），並發現美元疲弱之下，直接向美國訂購iPod相信係最明智嘅選擇。
阿根廷定價最高
由澳洲機構製作嘅iPod指數，理念與「巨無霸」指數類似，主要係以美元為單位，比較同一貨品在不同市場嘅售價，從而分析唔同市場嘅購買力與匯價變動情況。統計發現○七年正式推出嘅iPod Nano 8G，在美國售價一直維持於149美元，但在其他市場，售價節節向上，部分原因相信與各國貨幣匯價轉強有關。以定價最高嘅阿根廷，其售價更由○七年嘅317美元升至336美元；至於澳洲iPod在當地嘅售價曾低於美國，不過到今年售價升咗38%；與美元掛鈎嘅香港，售價維持喺147至150美元水平。