本文重點
香港商品交易所計劃喺今年第四季推出首個產品黃金期貨合約，依家籌備工作正進行得如火如荼。太子尋日登上商交所嘅網站，發現商交所嘅董事會已加入三名執行董事，包括主席張震遠、副主席楊孟欣同行政總裁艾伯特。連同商交所早前公布七名猛人，包括錢果豐、樊綱、何潮輝、康典、陸恭蕙、文禮信及王于漸，加入做獨立董事，商交所董事會依家已增至10人。
張震遠早前話過，董事會總人數應該約有17人。即應該仲會有啲由股東委派嘅董事入局，聽聞整個董事會成員名單短期會公布。
董事會名單短期公布
而商交所副主席楊孟欣，相信外間亦好有興趣知道佢嘅背景，根據商交所網站，只透露佢係內地著名藝術家、金融學家及經濟學家，其他履歷等一概欠奉，介紹好似簡單咗啲喎！