本文重點
金價創歷史新高,令到投資者對黃金這種貴價金屬再度看好,就連英國著名百貨店Harrod's(夏洛氏)都配合呢個購金熱潮,破天荒喺店內櫃位出售金磚及金幣,主要顧客係私人投資者。
重12.5公斤
今次賣金磚創舉可說是出自夏洛氏主席法耶茲,他夥拍瑞士煉金商PAMP,合作喺百貨公司內引入實金銷售。雙方睇到息口持續低企、加上英國樓價下挫,令富裕投資者紛紛找尋另類資產,以便把資金投入當中。PAMP話會提供全套系列產品予夏洛氏銷售,顧客可以在百貨店買到12.5公斤嘅「黃金磚頭」。
夏洛氏金條部門頭頭Chris Hall就話,新財務環境造就英國投資者對實金嘅需求,對很多人來說,黃金是不太熟悉的資產,而倫敦現時並未有一間具良好信譽的商號,配合這個新形勢。公司正好提供一個「保守」環境售賣實金予顧客。