去到答問嘅時候，香港地區嘅滙豐友原來好關心佢嘅個人事，好似話有人問紀勤鍾意食啲乜？紀勤好大方咁答，話其實乜都鍾意食，包括中國菜。佢講笑話睇吓佢嘅身形就知乜都食啦！

鍾意食中國菜

隨着集團行政總裁辦公室搬嚟香港，紀勤明年二月就正式常駐香港，而明年嘅農曆新年正正係二月中。與會嘅同事亦好醒目咁問紀勤會唔會派利是？紀勤就梗係話「Welcome」，屆時同事上嚟佢嘅辦公室，佢都會好識做。唔知到時有幾多同事真係夠膽去紀勤嘅大班房攞利是？又唔知呢位大班會畀幾多利是啲同事呢？

紀勤尋日亦用咗好多篇幅講吓ONE HSBC，即係話要有一個共同平台，令到客戶不論身處何地都能用到相同服務，「大笨象」依家仍然向住呢個目標努力進發。