誠如昨日所言，市場憧憬「十．一」長假期內，房產銷售將大幅增長，因此房產股昨日表現唔錯，就連專做收購舊樓生意的田生集團（08136）亦見借勢反彈，全日勁升18.57%。
按田生以往走勢推斷，一係就唔升，一升就升唔停，故預期現階段仍有水位可賺，不妨小注跟進。
近年港府致力重建舊區，如無意外，年底前立法會更將審議政府提出放寬舊樓強制收購條例建議，具體內容係擬將五十年或以上舊樓的強制拍賣門檻，由以往需取得九成業權降至八成。
若然順利通過，勢必有助加快私人重建步伐，對田生而言絕對屬利好因素。此外，田生旗下多舊樓項目，收購速度亦有所加快。
集團股價經一輪調整後，昨日以一支陽燭反彈向上，短期升勢似乎有餘未盡，有機會挑戰上次高位，即0.59元，目標價先睇0.5元，穿0.35元止蝕。