美股重拾升勢，投資者對近日公布欠佳的經濟數據憂慮漸除，港股昨日亦回升，午後升幅擴大，更重返50日線之上，收報20,812點，升382點或1.8%，成交額亦回升至562億元。
市況回穩，志強亦有番心情入場炒股，加上國美（00493）走勢轉強，昨日續升4.2%，高收2.19元，志強揸鑊鏟信心返番嚟，開市以1.28元買入10萬股筆克遠東（00752），收市報1.33元，暫時贏些少，今日或者再向五十二周新高挑戰，1.4元有得落車，短炒利潤都唔錯。
波司登（03998）係內地其中一家最大的羽絨服裝企業，以○八年銷售額計，在內地市佔率接近四成，龍頭地位暫難動搖。
截至今年三月底，集團持有現金及現金等值物38.1億元人民幣，並無任何未償還貸款及銀行借款，財政狀況相當穩健。
雖然去年受累金融海嘯，其業績表現遜色，但今年在中央催谷內需下，料銷售可恢復增長。
最近，IDG基金向滙豐直接投資旗下全資附屬公司，購入波司登2.77%權益。IDG睇中波司登，志強相信係因為公司不但有回歸A股概念，加上母公司涉及業務甚廣，具注資概念，前景值得睇高一線。