內房股經過近兩個月嘅回落整固後，尋日已全面上升，其中受大行睇好嘅富力地產（02777）股價一度搶高至14.48元，收14.4元，升0.86元，股價已突破由七月底嘅高位18.16元回落形成嘅下降軌，而MACD亦剛現雙牛買入訊號，加上成交大增至2,500萬股，較上交易日增近1.5倍，可確認新升浪展開，短期上升目標18元，中線睇23元。

富力上半年業績盈利倒退至只有1.6億元（人民幣．下同），主因係去年同期有投資物業重估增值14.8億元所致，但下半年富力銷售理想，截至九月底合約銷售總額已達185.82億元，佔全年銷售目標80.8%，預期全年銷售目標230億元可超標完成，加上售價上升，毛利率維持高水平，預期全年核心盈利可回復高增長。

富力地產（02777）　目標價：18　止蝕價：12元