大市走勢偏軟，志強相信結算過後，跌勢或進一步加劇，恒指或需下試100日線，即19,300點水平。志強所持國美（00493）昨日又跌穿2元，一度低見1.96元，最終收報2.01元，走勢進一步轉壞。若然大市真係要作較大幅度調整，志強或需忍痛止蝕，順手進行季結，待市況轉穩後，再考慮重新上車。

統一（00220）上半年盈利增長一倍，至4.27億元人民幣，雖然營業額下跌，但毛利率卻上升，令盈利猛增。統一為了改善盈利，曾對產品結構進行調整，相信方便麵產品結構改善，未來仍會持續反映於業績上，有大行報告就調高其今、明兩年盈利預測。

值得留意嘅係，統一相對其他中資食品股的估值便宜，今、明兩年預測市盈率均不足二十倍，較同類股份更抵買。根據資料顯示，T.Rowe Price Associates於本月初，在集團公布業績後，曾以每股平均價4.294元增持股份，令持股數目增至2.1億股，持股量增至6%。既有基金睇好其盈利前景，可以趁調整吸納。