中鐵主要從事基建建設、勘察設計與諮詢服務、工程設備和零部件製造、房地產開發，今年上半年，公司實現營業收入1,421億元（人民幣．下同），同比增長52.7%；純利30.87億元，增長60.9%，每股盈利0.145元。期內，中鐵嘅毛利率由去年同期嘅8%降至6.3%，主要係喺4萬億元救市措施之下，未達到毛利確認條件嘅新開展項目較多，加上項目概算調整（工程嘅重大變更及材料調差）嘅滯後性等因素所致。

放大圖片	放大圖片	放大圖片

加快「走出去」步伐

目前，中鐵喺內地城市軌道交通市場佔有率高達50%，雖然利錢不算高，但相對於目前仍有唔少行業未脫「險境」，但中鐵卻可受惠內地城軌交通不斷擴展，生意唔憂做。

除內地市場外，中鐵正加強國際化運作能力，加快「走出去」步伐，目標乃於未來三至五年，將海外業務收入佔比提高至15%，長遠而言有助減少對內地市場嘅依賴，亦可藉參與海外項目，提升整體毛利率表現。

中鐵管理層表示，考慮喺年度報告時派發股息，按照招股書所定，派息比率不少於25%。阿莊相信，以中鐵嘅業務性質穩定，若日後能建立穩定派息，將有助吸引長線投資者捧場。

上月底，高盛證券維持中鐵於「確信買入」名單，目標價10.35元，相等於二○一○年預測市盈率二十二倍。中鐵現價才6.98元，將高盛目標價打個八五折，即見8.8元，再看近月股價調整喺6.6元見承接，現價實屬攻守兼備之選。