24/09/2009

播放本新聞相關短片
 
股價號碼: 

四叔嘆盛名常被「利用」

本文重點
國藥(01099)上市表現不符預期,令一眾早前踴躍入飛的「大孖沙」只能「贏粒糖」。

恒地(00012)主席李兆基更澄清,個人斥1億美元(約7.8億港元)入飛,只獲分配0.5%。

另外,四叔又抱怨名字經常被「利用」造勢,直指現時新股定價太高,勸大家不要抽新股。

硬啃中冶2300萬貨

四叔昨日直指發售新股,承銷經紀才是贏家:「玩新股佢哋着數晒,公司(認購人)賺價,經紀就賺佣,有新股上時,成日有人向我推銷,用我個名,但其實我無興趣,只係畀面應酬吓。」

四叔抱怨投資多多、賺得少少:「今次抽國藥同中冶,一隻好一隻差,好嗰隻我入1億美元,只派0.5%畀我,得400萬港元股份,升咗15%,賺得60萬港元。差嗰隻我入少少1,000萬美元,但就派三成畀我,接成300萬美元(約2,340萬港元)貨,估計今天會跌約5%,一來一回只係打個和。」

四叔呼籲:「依家隻隻新股都太貴,個個就利用我個名影響大家嘅心理,希望同大家講清楚,抽新股只係賺粒糖,勸大家唔好抽(新股)。」