做咗老闆 享受人生

冼國林耍詠春犀利就係人都知，原來佢仲有第二個興趣，就係玩遊艇。冼國林為咗隻四十幾呎長嘅愛艇亦都付出咗好多，仲由淺水灣特登搬入香港後花園西貢，目的都係想多啲出海！

原來冼國林個遊艇牌，都考咗一段時間，佢慨嘆話以前做細嘅，邊有時間追求人生興趣！不過依家話晒都係「哎吔老闆」，就可以追求啲自己想要嘅嘢。咁又係，人生到咗唔同嘅階段，就有唔同嘅嘢去追求。今日嘅冼國林搵夠錢，係時候講多啲人生享受。