本文重點
美股終於要倒下，志強相信九月份唔慌有運行，內地股市又乏力反彈，港股跌1.7%算少，恒指暫險守19,500點，四叔話齋，等個市再落些少先買貨。國美（00493）前日勁彈後，尋日又隨大市回軟，志強無眼睇，繼續持有。至於短炒駿威（00203）唔夠水位食胡，揸多一兩日，個市反彈實有機甩身。
富士康（02038）是昨日少數逆市上升的股份，唔排除在現水平已找到支持。集團剛公布以2.2億元出售手機製造公司，睇嚟市場對呢個消息反應頗為正面。富士康已公布截至今年六月底止中期業績，由盈轉虧，錄得虧損1,870萬美元。業績公布後，高盛表示維持其中性投資評級，但○九年每股盈利預測則因應集團曾發盈警，大幅下調40.1%，不過目標價卻從3.8元調高至5.4元。富士康的手機業務經營環境仍困難，但集團的成本控制卻相當成功，經營開支大幅減少三成，所以邊際利潤可維持在1%。
業務重組陸續有來
由於富士康出售了手機製造公司，料業務重組陸續有來，對集團控制成本及提高效率方面有莫大幫助，投資者不宜對其前景抱過淡的睇法。而在3G的商機處處下，料富士康亦可受惠。