本文重點
點解有班西裝友喺皇后像廣場打Boxing？原來呢班全部都係喺中環返工嘅banker同埋金融才俊，佢哋參加咗Hedge Fund Fight Nite慈善活動，要接受五個月訓練學識Boxing，然後上擂台打拳為慈善團體籌款。金融海嘯會唔會影響籌款呢？有中環老友就講笑話冇有怕，皆因海嘯後不知幾多人想睇啲i-banker畀人打呀，今次仲唔銷情爆燈？
五個月學打拳上擂台
不過，要上擂台前都仲要過五關斬六將㗎，皆因呢個比賽有淘汰機制，參賽者有44位，經幾輪篩選後，家吓得番20位。最終只係得12位可以參加十月二十九日嘅比賽。
做緊私人銀行財富管理嘅夏志禮，佢喺英國時已經聽過呢個活動。雖然大會只係安排每個星期訓練兩次，佢就自己加碼至五次，務求出到線！
比賽當日會有800位支持者為參賽者打氣，家吓門票公開發售緊，每枱12位晚餐就1.8萬元起。舊年大會籌到100萬元左右，唔知今年銷情係唔係真係會升呢？