近日花旗曾經發表報告，指中糧油籽產品需求較預期理想，故維持其買入的投資評級，且將目標價上調至6.5元。不過，以筆者近日觀察所得，事實就好似有出入，皆因在過去五個交易日中，花旗現身沽盤就多達173次，但現身買盤只得37次。市場成日話，大戶講一套做一套，今次可算是例子。此外，於過去五個交易日內，巴克萊現身沽盤次數亦唔少，單是昨日就達174次，五日總沽盤更多達303次。

不過，巴克萊連日來積極現身沽盤，相信手頭上所餘貨量不多，加上從買賣盤次數看來，近日極訊亞太、摩根士丹利以及法國巴黎等均見積極接貨，故不排除巴克萊這個強勢沽盤一完，好友便會馬上反攻，中糧值得跟進。